فەرمانگەی میدیا و زانیاری حکومەتی هەرێم ڕەتیکردەوە کەمال ئەتروشی، وەزیری سامانە سروشتییەکانی هەرێم دەستی لەکارکێشابێتەوە و دەڵێت، “بۆ چارەسەری پزیشکی لەدەرەوەی وڵاتە”.
کەمال ئەتروشی، وەزیری سامانە سروشتییەکانی حکومەتی هەرێمی کوردستان بە فەرمانگەی میدیا و زانیاری ڕاگەیاندووە، ” من بۆ چارەسەرى پزیشکى ئێستا لە دەرەوەى هەرێمی کوردستانم، بەداخم بۆ بڵاوکردنەوەى ئەو دەنگۆیانە لە لایەن ژمارەیەک میدیاوە کە هیچ جۆرە خزمەتێک بە کەس ناکات. بۆ من شانازییە لە خزمەت گەلەکەم و ئەو بڕوا و متمانەیەدا بم کە بەڕێز سەرۆکوەزیران بە بەندەى بەخشیوە، دواى چارەسەریش دەگەڕێمەوە کوردستان و لەسەر کار و پڕۆژەکان بەردەوام دەبم”.
ئەمڕۆ دەنگۆی دەستلەکارکێشانەوەی کەمال ئەتروشی، وەزیری سامانە سروشتییەکانی هەرێم بڵاوبوویەوە و وابڵاوکرایەوە کە ئەتروشی گەڕاوەتەوە بۆ وڵاتی کوەیت.
