بافڵ جهلال تاڵهبانى بەبۆنەی بەستنی هەژدەیەمین كۆنگرەی حزبی دەعوەی ئیسلامی پهیامێك ئاراستهى نورمالكى دهكات و دووپاتی دۆستایەتی و پەیوەندیی پتەوی نێوان یەكێتیی نیشتمانیی كوردستان و حزبی دەعوە دەكاتهوە.
بافڵ جهلال تاڵهبانى لهپهیامهكهیدا ئاماژهى بهوهكردووه، “ئەم هەنگاوە بەرپرسیارێتی گەورە دەخاتە ئەستۆی ئێوه و حزبە تێكۆشەرەكەتان كە مێژوویەكی گەشی هەیە لە خەبات لە دژی دیكتاتۆری و زوڵم و زۆری ڕژێمی لەناوچوو، هەروەك چۆن بەرپرسیارێتییەكی دیكەشتان بۆ زیاد دەكات لە پتەوتركردنی پەیوەندی لەگەڵ سەرجەم هێز و لایەنە خەباتگێڕەكانی گۆڕەپانی سیاسی عێراق لەپێناو بەرژەوەندی گەل و بەرقەراربوونی ئاشتی و تەبایی و برایەتی لە وڵاتدا”.
دهقی پهیامهكهى بافڵ جهلال تاڵهبانى:
برای بەڕێزم نوری مالیكی، ئەمینداری گشتی حزبی دەعوەی ئیسلامی.
بەبۆنەی بەستنی هەژدەیەمین كۆنگرەی حزبە تێكۆشەرەكەتان و هەڵبژاردنەوەتان بە ئەمینداری حزبی دەعوەی ئیسلامی پیرۆزباییتان لێدەكەم، هیودارم هەمیشە لە بەرەوپێشچوون و گەشەكردندا بن.
دڵنیاین ئەم هەنگاوە بەرپرسیارێتی گەورە دەخاتە ئەستۆی بەڕێزتان و حزبە تێكۆشەرەكەتان كە مێژوویەكی گەشی هەیە لە خەبات لە دژی دیكتاتۆری و زوڵم و زۆری ڕژێمی لەناوچوو، هەروەك چۆن بەرپرسیارێتییەكی دیكەشتان بۆ زیاد دەكات لە پتەوتركردنی پەیوەندی لەگەڵ سەرجەم هێز و لایەنە خەباتگێڕەكانی گۆڕەپانی سیاسی عێراق لەپێناو بەرژەوەندی گەل و بەرقەراربوونی ئاشتی و تەبایی و برایەتی لە وڵاتدا.
هەر بەم بۆنەیەشەوە دووپاتی دۆستایەتی و پەیوەندی پتەوی نێوان یەكێتیی نیشتمانیی كوردستان و حزبی دەعوە دەكەینەوە لەپێناو هێنانەدی ئامانجە باڵاكانی گەلی عێراق و پاراستن و درێژەپێدانی پەیوەندی دۆستانە و كاری پێكەوەییمان.
دووبارە پیرۆزباییتان لێدەكەم
براتان
بافڵ جەلال تاڵەبانی
