قائیمقامییەتی قەزای کەلار ژمارەیەک بڕیاری بەمەبەستی ڕێکخستنەوەی گواستنەوەی گشتی دا، یەکێک لە بڕیارەکان ڕاگرتنی مۆڵەتی تەکسیی گەڕۆک و پێداچوونەوەیە بەو مۆڵەتانەشی تائێستا دراون.
بڕیارەکانی قائیمقامییەتی کەلار و لیژنەی ڕێکخستنەوەی گواستنەوەی گشتی و شەقامەکان ئەمانەن:-
１- پێداچوونەوە و ڕێکخستنەوەی هێڵەکانی گواستنەوەی گشتی لە ناوشاری کەلار.
２- ڕاگرتنی پێدانی مۆڵەتی تەکسیی گەڕۆک.
３- پێداچوونەوە بەو مۆڵەتانەی دراون بە تەکسییە گەڕۆکەکان، ڕێگریکردن لە کارکردنی فەرمانبەران، بەپێی یاسا و ڕێنماییەکانی وەزارەتی گواستنەوە.
４- دانانی تاسە بە لیژنە دەبێت، پێویستە بەپێی پێویست و لە شوێنی گونجاودا دابنرێت.
５- هەماهەنگیی شارەوانیی کەلار لەگەڵ بەشی پۆلیسی هاتوچۆی قەزای کەلار، لەکاتی ئەنجامدانی پڕۆژەکان لە ناوشاری کەلار.
６- دابینکردنی هێڵی مینی پاس بۆ دانیشتووانی پڕۆژەی لانە ستی.
７- نەهێشنی ئۆتۆمبێلی بارهەڵگر لە ناوشار و ناردنیان بۆ گەراجەکان.
