دادگاى فیدراڵیی عێراق بڕیاریدا به دواخستنى دانیشتنى تایبەت بە بڕیاردان لەبارەی سكاڵاكانى هاوپه‌یمانیی فه‌تح لە دژی ئه‌نجامه‌كانى هه‌ڵبژاردن.
ئه‌مڕۆ دانیشتنێكى دادگاى فیدراڵى له‌باره‌ى سكاڵاى هاوپه‌یمانیی فه‌تح له ئه‌نجامه‌كانى هه‌ڵبژاردن به‌ڕێوه‌چوو، له دانیشتنه‌كه‌دا دادوه‌ر بڕیاریدا به دواخستنى دانیشتنه‌كه بۆ ڕۆژی 22/12.
هاوپەیمانیی فەتح و بەشێك لە لایەنە شیعییەكانی دیكەی نزیك لە ئێران لە ئەنجامەكانی هەڵبژاردن ڕازی نین و دەڵێن ساختەكاری كراوە، بۆیە لە دادگای فیدراڵی سكاڵایان تۆماركردووە.
بڕیاربوو دوای یەكلاكردنەوەی سكاڵاكەی فەتح لەلایەن دادگاوە، كۆبوونەوەی نێوان موقتەدا سەدر و سەركردەكانی چێوەی هەماهەنگیی شیعەكان بەڕێوەبچێت، دیار نییە دوای دواخستنی بڕیاردان لە سكاڵاكە، كۆبوونەوەكە دەكرێت، یان نا.
