بەغداد بەنزینە 690 دینارییەكەی ڕاگرتەوە و سامانە سروشتییەکان دابینیدەکات

بەغداد دووبارە ناردنی بەنزینی بۆ هەرێمی كوردستان و سلێمانی ڕاگرت و سامانە ‏سروشتییەکانی هەرێم بەڵێنی پڕکردنەوەی داوە.‏

بەهمەن شێخ قادر وتەبێژی بەنزینخانەكانی سلێمانی بە تۆڕی میدیایی ئێستای ‏ڕاگەیاند، ‏دووبارە بەغداد ناردنی بەنزینە 690 دینارییەكەی ڕاگرتووە، پێدەچێت ‏هۆكارەكە ‏پەیوەندیی بە بەغداد خۆیەوە هەبێت و كێشەی تەكنیكی، یان كەمی بڕی بەنزین ‏بێت لە ناوەند.‏

پێشتر بڕیاربوو بەغداد ڕۆژانە یەك ملیۆن لیتر بەنزین ڕەوانەی هەرێمی ‏كوردستان ‏بكات، بەڵام نزیكەی نیوەی ئەو بڕەی دەنارد كە ڕێككەوتن كرابوو لەسەری، ‏کە بە وتەی بەهمەن شێخ قادر “ئەو نیوەیەش بەی بێكەموكورتی نەدەهات”.‏

وتەبێژی بەنزینخانەکانی سلێمانی ئاشکرایکرد، وەزارەتی سامانە سروشتییەکانی هەرێمی ‏کوردستان بەڵێنی ناردنی ئەو بڕە بەنزینەی بەهەمان نرخ داوە، ئەو وێستگانەش ‏دیاریکراون کە بەنزینەکەیان بۆ دەنێردرێت، بەڵام تائێستا هیچ بڕە بەنزینێک لە سامانە ‏سروشتییەکانەوە نەهاتووە. ‏

هیواشی خواست سامانە سروشتییەکان ئەو بڕەیان بۆ پڕبکاتەوە، چونکە نرخەکەی ‏گونجاوە و سوودی بۆ هاوڵاتییان زۆرە.

بابەتی پێشتر

عێراق.. 3556 كۆچبەر لە سنوورەكانی بیلاڕوسیا و پۆڵەنداوە گەڕاونەتەوە

بابەتی دواتر

لە ترسی خۆپیشاندان و هێرشكردن دەوامی فەرمانگە و دامەزراوەکانی شەنگال ڕاگیرا

بابەتی پەیوەندیدار
زیاتر ببینە

نرخی دۆلار بەرزبووەوە

نرخی دراوە بیانییەكان بۆ ئەمڕۆ پێنجشەممە 11ی ئازار، لە بازاڕەكانی هەرێم بڵاوکرایەوە، تا کاتی ئامادەکردنی ئەم هەواڵە نرخی…
Total
0
Share