له نه‌خۆشخانه‌ى ڕزگاریی فێركاریی هه‌ولێر، نه‌شته‌رگه‌رییه‌كى ده‌گمه‌ن بۆ پیاوێك ئه‌نجامدرا و ده‌نگى گۆڕدرا.
نه‌خۆشخانه‌ى ڕزگاری فێركاریی هه‌ولێر، كە نەخۆشخانەیەكی حكومییە، له ڕاگه‌یه‌ندراوێكدا ئاماژه‌ى به‌وه‌كردووه، لەلایەن ستافی نەشتەرگەریی قورگ و لوت و گوێ، نەشتەرگەرییەک بۆ پیاوێک ئەنجامدرا كه کێشەی “دەنگ ناسکی”ی هەبوو، توانرا دەنگی بگۆڕدرێت بۆ “دەنگی پیاوانە” و نەشتەرگەرییەکەش بەسەرکەوتوویی ئەنجامدرا.
نه‌خۆشخانه‌كه باسی له‌وه‌كردووه، بۆ یەکەمجارە ئەم جۆرە نەشتەرگەرییە لە نەخۆشخانەی ڕزگاری ئەنجامدەدرێت و له‌لایه‌ن چه‌ند پزیشكێكى پسپۆڕەوە ئه‌نجامدراوه.
