سبەی ئەنجومەنی وەزیرانی هەرێم كۆدەبێتەوە

ئەنجومەنی وەزیرانی هەرێم

بڕیارە سبەی ئەنجومەنی وەزیرانی هەرێم كۆبوونەوەی ئاسایی هەفتانەی خۆی ئەنجامبدات و تیایدا هێرشەكانی سەر فڕۆكەخانەی هەولێر و ئامادەكردنی بودجەی هەرێم تاوتوێدەكرێت.

بڕیارە سبەی چوارشەممە ئەنجومەنی وەزیرانی ھەرێمی کوردستان، بە سەرۆکایەتی مەسرور بارزانی، سەرۆکی حکومەتی ھەرێمی کوردستان و بە ئامادەبوونی قوباد تاڵەبانی، جێگری سەرۆکی ئەنجومەنی وەزیران کۆببێتەوە.

فەرمانگەی میدیا و زانیاریی ئەنجومەنی وەزیران بڵاویكردەوە، گرنگترین ئەو تەوەرانەی باسیان لێوە دەکرێت خستنەڕووی دواپێشھاتەکانی بواری ئەمنی لە ھەرێمی کوردستان و ھێرشەکانی ئەمدواییەی سەر فڕۆکەخانەی نێودەوڵەتی ھەولێر و ڕەوشی لێکۆڵینەوە و ھەڵوێستی نێودەوڵەتی لەو بارەیەوە، ھەروەھا خستنەڕووی ھێڵەگشتییەکانی ڕەشنووسی یەکەمی پڕۆژەیاسای بودجەی ھەرێمی کوردستان بۆ ساڵی 2021 لە بوارەکانی داهات، خەرجی، قەرز و پابەندییە داراییەکان و کورتهێنان دەبێت.

شەوی چوارشەممەی ڕابردوو 14ی نیسان هێرشێك بۆ سەر فڕۆكەخانەی هەولێر ڕویدا، دوابەدوای هێرشەكەش وەزارەتی ناوخۆی هەرێمی كوردستان ڕایگەیاند، هێرشەکە لەڕێگەی درۆنی TNT کراو بووە و ئاراستەی بنکەی هێزەکانی هاوپەیمانان کراوە لەناو فڕۆکەخانە.

هەرچەندە بڕیاربوو لە مانگی شوباتی ڕابردوودا پرۆژەیاسای بودجەی گشتیی هەرێم بنێردرێتە پەرلەمانی كوردستان، بەڵام تائێستا نەنێردراوە و لەنێوان وەزارەتەكانی دارایی و پلاندانان و ئەنجومەنی وەزیراندا ماوەتەوە.

بابەتی پێشتر

ئاسایش دەستگیركردنی 22 ئەندامی داعش لە سلێمانی و دەوروبەری ڕادەگەیەنێت

بابەتی دواتر

ڕۆحانی: هەر هەلێک سەبارەت هەڵگرتنی سزاکانی سەر وڵاتەکەمان دەقۆزینەوە

بابەتی پەیوەندیدار
زیاتر ببینە

‘كشتوكاڵ بەرخۆدانە’.. وێڕای داگیركارییەكان دانیشتووانی ڕۆژئاوای كوردستان سەرقاڵی كشتوكاڵن

هەرچەندە ساڵی ڕابردوو زۆربەی بەروبوومە كشتوكاڵییەكانیان لەلایەن سوپای توركیاوە لەناوبران و سوتێنران، دانیشتووانی عەین عیسا لە ڕۆژئاوای كوردستان…
Total
3
Share