پرۆفیسۆر عەلی مستەفایی ئەو دکتۆرە کوردەیە کە دانیشتوانی پارێزگای کرماشانە لە ڕۆژهەڵاتی کوردستان و بانگەشەی ئەوە دەکات کە چارەسەرێکی بۆ کۆرۆنا ڤایرۆس دۆزیوەتەوە و نزیکەی سێ هەزار نەخۆشی پێ چارەسەر کردووە.
عەلی مستەفایی ئاشكرایکردووە، ئەوانەی بە سووکی تووشی کۆرۆنا بوونە بەم دەرمانە یەکسەر چاک دەبنەوە و بۆ چارەسەریی ئەوانەش کە بە قورسی تووشی کۆرۆنا هاتوون زۆر بەکەڵکە و کاریگەریی ئیجابی هەیە.
هاوکات مەحمود ڕەزا مورادی سەرۆکی زانکۆی زانستی پزیشکی کرماشان سەبارەت بە دروستکردنی ئەم دەرمانە لە لایەن پڕۆفسۆر مستەفاییەوە وتویەتی “ئەمە شانازییەکی گەورەیە بۆ کرماشان و ئێران”.
لەسەر مۆڵەتی فەرمی دەرمانەکە زانکۆی پزیشکی کرماشان ئاشکرایکردووە کە هەموو ڕێوشوێنەکان گیراوەتە بەر و دۆسیەی ئەم دەرمانە نێردراوەتە تاران و ناوەندی دەرمانی ئێران خەریکە دوایین لێکدانەوەی بۆ دەکات و لە هەفتەی داهاتوو مۆڵەتی پێدەدرێت.
