یانەی ڕیاڵ مەدرید یەکێکە لەو سێ یانەیەی لە سەدەی 21دا زۆرترین پارەیان بۆ گواستنەوەی یاریزانان بەکارخستووە، بەڵام دوو یانەی گەورەی دیکە لەم ڕووەوە پێشیکەوتوون.
بەپێی داتاکانی ترانسفێر مارکت، یانەی شاهانە لە ماوەی 21 ساڵی ڕابردوودا دوو ملیار و 190 ملیۆن یورۆی بۆ کڕینی یاریزانان بەکارخستووە، تەواوی ئەو پارەیەش بەمەبەستی کڕینی 269 یاریزان بووە، هەروەها لە ساڵی 2000ــەوە تاوەکو ئێستا شەش یانە لە بەکارخستنی پارەدا سنووری دوو ملیاریان تێپەڕاندووە.
ڕیزبەندیی ئەو یانانەی لە سەدەی 21 زۆرترین پارەیان خەرجکردووە:
- چێڵسی 2.44 ملیار یورۆ
- مانچستەر سیتی 2.33 ملیار
- ڕیاڵ مەدرید 2.19 ملیار
- بەرشلۆنە 2.18 ملیار
- یوڤانتۆس 2.08 ملیار
- مانچستەر یونایتد 2.02 ملیار
- ئینتەر میلان 1.73 ملیار
- پاریس سان جێرمان 1.65 ملیار
- لیڤەرپوڵ 1.61 ملیار
- ئەی سی میلان 1.46 ملیار
