وه‌زیری پێشمه‌رگه ڕووماڵی میدیایی دەزگاکانی ڕاگەیاندن، بۆ ناو بەرەکانی جەنگ و هێزەکانی پێشمەرگه، ڕاستەوخۆ و ناڕاستەوخۆ، بەتەواوی قەدەغەکرد.
له ڕاگه‌یه‌ندراوێكدا نووسینگەی ڕۆژنامەوانیی وەزیری پێشمەرگە ئاماژه‌ى به‌وه‌كردووه، “بە بڕیاری شۆڕش ئیسماعیل وەزیری پێشمەرگەی هەرێم، بۆ ڕێکخستنەوەی کاری میدیایی سەربازی و نەهێشتنی ئەو پەرتەوازەییە میدیاییەی کە زیان بە هێزەکانی پێشمەرگە دەگەیەنێت، ڕووماڵی میدیایی دەزگاکانی ڕاگەیاندن، بۆ ناو بەرەکانی جەنگ و هێزەکانی پێشمەرگه، ڕاستەوخۆ و ناڕاستەوخۆ، بە تەواوی قەدەغەیه.
جه‌ختى له‌وه‌شكردووه‌ته‌وه، هیچ فەرماندە و پلەدار و پێشمەرگەیەک، ڕێگەی پێنادرێت ڕوونکردنەوە و چاوپێکەوتن بەبێ گەڕانەوە بۆ بەڕێوەبەرایەتیی گشتیی ڕاگەیاندن و هۆشیاریی نیشتمانیی وەزارەتی پێشمەرگە ئەنجامبدات
