قەڵادزێ.. باندێكی دزینی ماتۆڕسكیل دەستگیركرا

پۆلیسی ڕاپەڕین ڕایگەیاند، باندێکی دزیکردنی ماتۆڕسکیل-یان لە قەڵادزێ دەستگیركردووە.

لە ڕاگەیەندراوێكدا بەڕێوەبەرایەتیی پۆلیسی ڕاپەڕین ڕایگەیاند، “هێزەکانی نووسینگەی نەهێشتنی تاوانی پشدەر دوای بەدەستهێنانی زانیاری و بەدواداچوونی ورد، توانییان باندێکی دزیکردن دەستگیربکەن، کە پێکهاتووە لە سێ کەس و لەکاتی لێکۆڵینەوەشدا دانیان ناوە بە تاوانەکەیاندا”.

ئاماژەی بەوەشكردووە، ” باندەكە بە بەرنامە و بە هاوکاریی یەکتر ژمارەیەک ماتۆڕسکیلیان لە قەڵادزێ دزیوە”.

پۆلیسی ڕاپەڕین باسی لەوەشكردووە، “سەرەڕای دزینی ماتۆڕسکیل، یەکێک لە تۆمەتبارەکان دانی ناوە بەوەشدا كە پێشتر مامەڵەی بە ماددەی هۆشبەر لە جۆری حەشیش کردووە، لەکاتی دەستگیرکردنی باندەکەشدا دەستگیراوە بەسەر دوو ماتۆڕسکیل و دەمانچەیەکی جۆری USA و چەقۆیەک دا”.

هەروەها لە ئێستادا سەرجەم تۆمەتبارەکان بە بڕیاری دادوەر و بە ماددەی 444 لە یاسای سزادانی عێراقی ڕاگیراون و لێکۆڵێنەوەش لەگەڵیاندا بەردەوامە.

بابەتی پێشتر

جەنگی نێوان گواردیۆلا و کلۆپ بە وەڵامێکی ئاگرین دەستیپێکردەوە

بابەتی دواتر

پۆلیسی هەڵەبجە: ئەو منداڵەی لەناو بیرێکدا بەکوژراوی دۆزرایەوە باوکی کوشتوویەتی

بابەتی پەیوەندیدار
Total
1
Share