سه‌رۆك كۆمارى ئێران ڕایده‌گه‌یه‌نێت، حکومەتەکەی کاردەکات بۆ لابردنی سزاکانى سه‌ر وڵاته‌كه‌ى.
ئیبراهیم ڕه‌ئیسی، له چاوپێكه‌وتنێكى تەلەڤیزیۆنیدا بەڵێنی دا ڕووبەڕووی قەیرانە ئابورییەکانی ئێران ببێته‌وه.
ئاماژه‌ى به‌وه‌شكرد هەمووشتێک دەکه‌ن بۆ دابینکردنی سەقامگیریی ئابوریی.
له‌باره‌ى گه‌مارۆكانى سه‌ر وڵاته‌كه‌ى، ڕه‌ئیسی جه‌ختى له‌وه‌كرده‌وه، بۆ لابردنی سزاکان هەوڵی زۆر دراون، وەک ئاماژەیەک بۆ گفتوگۆکان سەبارەت بە زیندووکردنەوەی ڕێکكەوتنە ئه‌تۆمییه‌كه‌ى ساڵی 2015ی نێوان ئێران و زلهێزەکانی جیهان.
بەپێی ئەو ڕێکكەوتنە، سزاکانی سەر ئێران کەمدەکرێنەوە و لەبەرامبەریشدا دەبێت ئێران چالاکییەکانی بەرنامە ئه‌تۆمییه‌كه‌ى سنوورداربکات.
له ڕۆژی دووشەممەی ڕابردووه‌وه، دوای ڕاگرتنیان بۆ ماوەی پێنج مانگ، گفتوگۆکان سەبارەت بە دووبارە زیندووکردنەوەی ڕێكکەوتنه ئه‌تۆمییه‌كه دەستیانپێکردەوە.
