كەشناسیی هەرێمی كوردستان پێشبینییەكانی بۆ كەشوهەوای ئەمڕۆ و سبەینێ ڕاگەیاند، لە ئێوارەوە نمەباران لە ناوچە جیاوازەكان دەستپێدەكات، سبەینێش ئاسمان پەڵەهەور دەبێت.
بەپێی پێشبینییەكانی كەشناسیی هەرێمی كوردستان، بۆ ئەمڕۆ لە هەولێر نمەباران دەبارێت، بارانبارینەكە لە شەودا زۆربەی ناوچەكانی پارێزگاكە دەگرێتەوە، لە ناوچە شاخاوییە سنوورییەكانیش ئەگەری بەفربارین هەیە.
لە سلێمانیش ئێوارە نمەباران دەستپێدەكات و لە شەودا بارانبارینەكە زیاتر دەكات، بەهەمانشێوە لە ناوچە شاخاوییە سنورییەكان بەفر دەبارێت، دۆخەكە لە دهۆكیش بەهەمان شێوە دەبێت، لە هەڵەبجەش ئەگەری نمەباران هەیە.
كەشناسی پێشبینیی كردووە بۆ سبەینێ ئاسمان لە نیمچەهەوەرەوە بۆ پەڵەهەور بگۆڕێت.
