وەزارەتی تەندروستیی هەرێم ئاماری توشبووانی 24 كاتژمێری ڕابردووی كۆرۆنای بڵاوكردەوە و دەڵێت، 60 توشبووی نوێ تۆماركراوە.
وەزارەتەكە ئەمڕۆ شەممە 13ی ئازار ئامارێكی نوێی بڵاوكردەوە و تیایدا هاتووە، سێ هەزار و 684 پشكنین ئەنجامدراون و لەو ژمارەیە 60 توشبووی نوێ تۆماركراوە.
ئاشكراشیكردووە، 107 توشبوو چاكبوونەتەوە و چوار توشبووش لە 24 كاتژمێری ڕابردوودا گیانیان لەدەستداوە.
كۆی گشتی توشبووانی كۆرۆنا لە هەرێم گەیشتە 112 هەزار و 303 كەس لەو ژمارەیە 105 هەزار و 296 توشبوویان چاكبوونەتەوە و سێ هەزار و 557 توشبووش گیانیان لەدەستداوە، وەك ئەوەی لە ڕاگەیەنراوەكەی وەزارەتی تەندروستیدا هاتووە.
