وەزارەتی خوێندنی باڵا دەست بە گۆڕینی ژمارەیەك سەرۆك زانكۆ دەكات

مەرجەكانی ئاشكراكردووە

وەزارەتی خوێندنی باڵا پۆستی چوار سەرۆك زانكۆ و سەرۆكی دەستەیەك ڕادەگەیەنێت و مەرجەكانی وەرگرتنیشیان ئاشكرادەكات.

بەپێی ڕاگەیەندراوێكی وەزارەتەكە پۆستەكان بریتین لە، (سەرۆکى زانکۆی سلێمانى، سەرۆکی زانکۆی پۆلیتەکنیکی سلێمانی، سەرۆکی زانکۆی ڕاپەڕین، سەرۆکی زانکۆی چەرمو و سەرۆکی دەستەی کوردستانی بۆ خوێندنى ستراتیژی و توێژینەوەی زانستی).

وەزارەتى خوێندنى باڵا دەشڵێت، هەر کەسێک ئارەزووى هەیە و مەرجەکانى تێدایە، دەتوانێت لە ماوەى دیاریکراودا (C.V) و داواکارییەکەى پێشکەشبکات، تا ناوى لە لیستى پێشکەشکاراندا تۆماربکرێت.

مەرجەکان بۆ پۆستی سەرۆکی زانكۆ:

– هەڵگرى بڕوانامەى دکتۆرا بێت.
– ناسناوی زانستى لە پرۆفیسۆرى یاریدەدەر کەمتر نەبێت.
– خزمەتى لە (10) ساڵ کەمتر نەبێت.

مەرجەکان بۆ سەرۆکی دەستەی کوردستانی:
– هەڵگری بڕوانامەی دکتۆرا بێت لە یەکێک لە بوارەکانی زانستی.
– ناسناوی زانستی لە پرۆفیسۆر کەمتر نەبێت.

بەپێی ڕاگەیەندراوەكە دوایین کات بۆ پێشکەشکردنى (C.V) و پوختەى ڕاژە، تاکو کۆتایی دەوامى فەرمیى ڕێکەوتى (2021/12/12) ڕۆژى (یەکشەممە) دەبێت.

بابەتی پێشتر

سلێمانی.. خشته‌ی پێدانی كاره‌بای مۆلیده‌ گۆڕدرا

بابەتی دواتر

تۆڕی ‏CNN‏ بەهۆی "گێچەڵی سێکسی"یەوە بێژەرێكی دەركرد

بابەتی پەیوەندیدار