لە ڕاپۆرتێكدا سەكۆی “كوشتنی ژنان دەوەستێنێن” لە توركیا دەڵێت، 25 ژن لە مانگی تشرینی دووەمی ڕابردوودا كوژراون، لەنێویاندا 21یان كوشتنەكەیان قێزەونانەیە.
بەپێی ڕاپۆرتەكە، هۆكاری كوشتنەكان پەیوەندیدارن بە هۆكاری وەك “ویستی جیابوونەوە، ڕەتكردنەوەی ئاشتبوونەوە، ڕەتكردنەوەی هاوسەرگیری، ڕەتكردنەوەی دروستكردنی پەیوەندی و هۆكاری ئابوری”.
“تا ئەوكاتەی تاوانبار دیارینەكرێت، ئاشكرانەكرێت بۆچی ژنان دەكوژرێن، دادگایەكی دادپەروەرانە نەكرێت، گومانلێكراوان سزانەدرێن لەگەڵ تۆمەتبار و بكوژان بە سزای قورس و ڕێوشوێنە خۆپارێزییەكان جێبەجێنەكرێن، توندوتیژی بەردەوام دەبێت”، وەك ئەوەی لە بەشێكی دیكەی ڕاپۆرتی ڕێكخراوەكەدا هاتووە.
بەپێی ڕاپۆرتێكی پێشووی یەكێتیی كۆمەڵەكانی ژنان، 200 ژن لە توركیا كوژراون پاش بڕیاری ڕەجەب تەیب ئەردۆغان، سەرۆكی توركیا بە كشانەوە لە ڕێككەوتنی ئیستانبول لە ئازاری ڕابردوودا.
س: زەمان + RT
