قائیمقامییه‌تى سلێمانى ڕایده‌گه‌یه‌نێت، به‌مه‌به‌ستی پاراستنی خانوو و شوێنه كه‌له‌پورییه‌كان، سیمای گه‌ڕەكه كۆنه‌كانی سلێمانی ده‌پارێزرێت و باره‌گاى مه‌لیكى كوردستان نۆژه‌نده‌كرێته‌وه.
له ڕاگه‌یه‌ندراوێكدا قائیمقامییه‌تى سلێمانى ئاماژه‌ى به‌وه‌كردووه، به‌مه‌به‌ستی پاراستنی خانوو و شوێنه كه‌له‌پورییه‌كان ڕێكخراوی گه‌شه‌پێدانی مه‌ده‌نییه‌ت (CDO) هه‌ڵده‌ستێت به نۆژه‌نكردنه‌وه‌ی باره‌گای مه‌لیكی كوردستان (شێخ مه‌حمودی نه‌مر).
ئاوات محه‌مه‌د، قائیمقامی سلێمانی له كۆبوونه‌وه‌ى له‌گه‌ڵ ڕێكخراوه‌كه‌دا باسی له‌وه‌كرد، “به‌گرنگییه‌كی زۆره‌وه ده‌ڕوانینه كاری پاراستنی خانوو و گه‌ڕه‌كه كۆنه‌كانی شاری سلێمانی و به ئه‌ركی هه‌ره له پێشینه‌ی خۆمان دامانناوه و له‌و پێناوه‌شدا چه‌ند توانامان هه‌بێت بۆ پاراستن و نۆژه‌نكردنه‌وه‌یان ده‌یخه‌ینه‌گه‌ڕ”.
