سەرۆکی لیژنە هاوبەشەکانی قائیمقامیەتی سلێمانی رایگەیاند، لە رۆژانی پشووشدا لیژنەکانیان لە ئەرکدان.
گۆران قادر، سەرۆکی لیژنە هاوبەشەکانی قائیمقامیەتی سلێمانی بە تۆڕی میدیایی ئێستای راگەیاند، پشوومان نییە و بەردەوام لە ئەرکداین لیژنەکان وەکو هەر رۆژێکی دیکەی دەوامی ئاسایی گەڕان و پشکنین بۆ سەرجەم دوکان و بازاڕ و شوێنە گەشتیارییەکانی سلێمانی لەڕووی نرخ و کوالێتییەوە ئەنجامدەدەن.
باسی لەوەشکرد، ئەو شوێنانەی پابەندی رێنماییەکان نابن و سەرپێچی ئەنجامنادەن سەرجەمیان سزای دارایی دەدرێن یان شوێنەکانیان دادەخرێن و هەندێک سەرپێچیش هەیە رووبەرووی رێکاری یاسایی دەکرێتەوە.
وتیشی، بەردەوامیی کاری لیژنەکان وایکردووە سەرپێچییەکان کەم ببنەوە و کەموکوڕی و گرفتەکان چارەسەربکرێن.
