فه‌رمانگه‌ى میدیا و زانیاریی هه‌رێم بڵاویكرده‌وه، پرۆسەی دابەشکردنی نەوتی سپی لە ناوچە شاخاوییەکان و دەوروبەری پارێزگاکان بەردەوامە، تاوەکو کۆتایی مانگی ڕابردووش، زیاتر لە 35 ملیۆن لیتر دابەشکراون، ئەو بڕە دابەشكراوە تەنها 14%ی بڕی پێویستە بۆ دابەشكردنی بەسەر تەواوی هاوڵاتییاندا.
فه‌رمانگه‌ى میدیا و زانیاریی حكومه‌تى هه‌رێمى كوردستان له خشته‌یه‌كدا، زانیاریی له‌باره‌ى دابه‌شكردنى نه‌وته‌وه له ناوچه جیاجیاكانى هه‌رێم بڵاوكرده‌وه و ده‌ڵێت، له پارێزگاى هه‌ولێر له كۆی 10 ملیۆن و 899 هه‌زار و977 لیتر نەوت، 10 ملیۆن و 215 هه‌زاری دابه‌شكراون.
هه‌روه‌ها له پارێزگاى سلێمانی له كۆی 11 ملیۆن و 907 هه‌زار و 853 لیتر، 11 ملیۆن و 564 هه‌زار و 800 لیتر دابه‌شكراون، له پارێزگاى دهۆكیش له كۆی 15 ملیۆن و 280 هه‌زار لیتری هاتوو، 13 ملیۆن و 228 هه‌زار لیتری دابه‌شكراون.
فه‌رمانگه‌ى میدیا و زانیاریی هه‌رێم باسی له‌وه‌شكردووه، دابەشکردنی نەوتی سپی لە ناوچە شاخاوییەکان و دەوروبەری پارێزگاکان بەردەوامە و تاوەکو کۆتایی مانگی ڕابردووش، زیاتر لە 35 ملیۆن لیتر نەوت دابەشکراون.
ئه‌وه‌ش له‌كاتێكدایه، هه‌رێمى كوردستان پێویستى به 253 ملیۆن لیتر هه‌یه، بەڵام ئه‌و ڕێژه‌یه‌ى كه دابه‌شكراوه نزیكەی 14%ی بڕی پێویست ده‌كات.
