بهڕێوهبهرایهتیی كهشناسی و بومهلهرزهزانیى ههرێمى كوردستان پێشبینیدهكات كه ئهم شهپۆله بارانبارینه تاوهكو ئێوارهى ئهمڕۆ بهردهوامبێت و دواتر كۆتاییدێت.
له ڕاگهیهندراوێكدا كهشناسی و بومهلهرزهزانیى ههرێمى كوردستان ئاماژهى بهوهكردووه، ئهمڕۆ ئاسمان له نیمچهههورهوه دهگۆڕێت بۆ ههورى تهواو و نمه بارانیش پچڕپچڕ له ناوچه جیاوازهكان دهبارێت.
باسی لهوهشكردووه، دواتر له ئێوارهدا ئاسمان دهگۆڕێت بۆ نیمچهههور و ئهو شهپۆلی بارانبارینه كۆتاییدێت.
ههر بهپێی پێشبینییهكانى كهشناسی ئهمڕۆ بهرزترین پلهى گهرما له ههولێر17 پله، سلێمانى 16 پله، ههڵهبجه 17 پله، دهۆك 17 پله و له كهركویش 19 پله دهبێت.
ههر بهپێی پێشبینییهكانى كهشناسی، سبهینێ ههینى ئاسمان ساماڵ و پهڵهههور دهبێت و له ناوچه شاخاوییهكانیش نیمچهههور دهبێت.
بهرزترین پلهكانى گهرماش سبهینێ له ههولێر17، سلێمانى 17 ، ههڵهبجه 18 پله، دهۆك 17 و كهركویش 20 پله دهبێت.
