بەهۆی دوو ڕووداوی هاتوچۆ كە ئەمڕۆ لە كەركوك ڕوویاندا 14 كەس برینداربوون، ڕووداوەكان لە جۆری پێكدادان بوون.
بەشی ڕاگەیاندنی بەڕێوەبەرایەتیی هاتوچۆی كەركوك بڵاویكردەوە، ڕووداوی یەكەم پێش نیوەڕۆی ئەمڕۆ لەنێوان بارهەڵگرێك و ئۆتۆمبێلێكی تایبەتدا بووە لە ناوچەی گورگەچاڵ و لە ئاكامیدا سێ كەس برینداربوون.
دووەم ڕووداویش کاتژمێر شەشی ئێوارە لەڕێگای کەرکوک-شوان تەقتەق بەهۆی پێكدادانی دوو ئۆتۆمبێلەوە و 11 برینداری لێكەوتووەتەوە.
ئەو ڕووداوانە لەكاتێكدایە دوێنێ-ش بەهۆی پێكدادانی نێوان دوو ئۆتۆمبێل لەسەر ڕێگای هەولێر-كەركوك سێ كەس گیانیان لەدەستدا و دووانی دیكە برینداربوون.
