بەڕێوەبەری باخچەکانی سلێمانی ئاشکرایدەکات، تیمەکانی دەزگای ئاسایش ئەو خێزانانە دەپارێزن کە شەوانە لە پارکەکان دەمێننەوە.
بەهرۆز سالار، بەڕێوەبەری باخچەکانی سلێمانی لە لێدوانێکدا بە تۆڕی میدیایی ئێستای ڕاگەیاند، بەهۆی ئەوەی ژمارەیەکی زۆر گەشتیار ڕوویان لە شاری سلێمانی کردووە، سەرجەم هۆتێل و میوانخانەکان پڕبوون و بەشێکی زۆری گەشتیاران شەوانە لە باخی گشتی و پارکی ئازادی دەمێننەوە.
دەشڵێت، لە کاتی ئاساییدا، بە هەموو شێوەیەک قەدەغەیە هاوڵاتییان شەوانە لە پارکەکان بمێننەوە، بەڵام دەزگای ئاسایشی هەرێمی کوردستان ئاگاداری هاتنی ئەو ڕێژە زۆرەی گەشتیارانە و ڕێگری لەو خێزانانە ناکەن کە دەیانەوێت شەوان لە پارکەکان بمێننەوە و دەیانپارێزن.
