بەهۆی پێكانەوە، نێیمار-ی بەرازیلی لەژێر هەڕەشەی بەشدارینەكردندایە لە یارییەكانی پاریس سانجێرمان تا كۆتایی ئەمساڵ.
ئاژانسی ئاڕ ئێن سی-ی فەڕەنسی ئاشكرایكرد، پشكنینە سەرەتاییەكان كە بۆ نێیمار كراون دەریانخستووە كە یاریزانە بەرازیلییەكە تووشی پچڕانی بەستەرەكان بووە.
ئاژانسەكە پێیوایە نێیمار شەش هەفتە لە یاریكردن دووردەكەوێتەوە و دواتر دەچێتە ژێر چاودێریی پزیشكییەوە.
بڕیارە ئەمڕۆ تیمی پزیشكیی یانەی پاریس سان جێرمان پشكنینی وردی زیاتر بۆ پێكانەكەی نێیمار ئەنجام بدات و دواتر بچنە قۆناغی چارەسەرەوە.
