دایک و باوکی سێبور کە ڕۆژی پێنجشەممە لە بەریتانیا کوژرا، لە ڕێگای تۆڕی میدیایی ئێستاوە، داوادەکەن، تەرمی کوڕەکەیان بۆبگەڕێننەوە و ڕاشیدەگەیەنن، گەنجەکە لەلایەن چەند کوردێکەوە بە چەقۆ کوژراوە.
چیرۆکی ناکۆکی نێوان سێبور و سەرتیپ، کە دوو بران، لەگەڵ چەند کەسێکی دیکە لەوێوە دەستیپێکردووە، کە لە نزیک یەکتر لە شاری ” Nottingham” لە بەریتانیا دووکانی سەرتاشیان کردووەتەوە، سەرەڕای ئەوەی کێشەکە لە هەرێمی کوردستان “سوڵحی عەشایەری” بۆکراوە، بەڵام ئەو لایەنەی دیکە وازیان نەهێناوە و سێبوریان کوشتووە و سەرتیپشیان بریندارکردووە.
باوک و دایکی ئەو دوو گەنجە دەڵێن، “بەداخەوە سەرەڕای ئەوەی سوڵحی عەشایەری بۆ ئەو کێشەیە کراوە، کەچی ئەوان وازیان نەهێناوە و بە چەقۆ و ساتور چوونەتە سەریان و سێبوریان کوشتووە و دەماری قاچی سەرتیپیشان بڕیووە و لە ئەنجامی خوێنبەربوونی بە بوراوەیی بردوویانە بۆ نەخۆشخانە”.
دایک و باوکی سێبور و سەرتیپ قسە بۆ تۆڕی میدیایی ئێستا دەکەن
