بەڕێوەبەری گشتیی کارەبای سلێمانی رایدەگەیەنێت، پێدانی کارەبا لە سلێمانی ئاساییبووەتەوە.
ئەنوەر حەمەسەعید، بەڕێوەبەری گشتیی کارەبای سلێمانی رایگەیاند، لە کاتژمێر 12:00ی شەوی رابردووەوە هەناردەکردنی غاز لە وێستگەی کۆرمۆر لە بۆ وێستگەکانی کارەبا دەستیپێکردەوە، ئێستا دۆخی پێدانی کارەبا لە هەموو وێستگەکان ئاساییبووەتەوە.
وتیشی، پچڕانی کارەبا لە ماوەی 72 کاتژمێری رابردوو زیانی زۆری بە هاوڵاتییان گەیاند، بەڵام بەو رێژە کەمەی کارەبا کە لە بەردەستماندابووە هەوڵمانداوە کە بە دادپەروەرانەترین شێوە بەسەر هاوڵاتییاندا دابەشیبکەین.
