وەزارەتی خوێندنی باڵا و توێژینەوەی زانستی ڕایگەیاند، لە ئەنجامی تۆمارکردنی سکاڵا هەزار و 521 خوێندکاری دیکە لە زانکۆکان وەرگیراون.
وەزارەتی خوێندنی باڵا و توێژینەوەی زانستی لە ڕاگەیەندراوێکدا دەڵێت، “سەرەڕای ئەو خویندکارە وەرگیراوانە، ژمارەیەک خوێدکارى دیکەش کە داواى شوێنگۆڕین و دابزینیان کردبوو بەپێى داواکارییەکانیان شوێنگۆڕین و دابەزینیان بۆ کراوە”.
وەزارەتى خوێندنى باڵا و توێژینەوەى زانستى ئاگادارى وەرگیراوان لە زانکۆ و پەیمانگەکان دەکات پێویستە هەفتەى داهاتوو پەیوەندى بە بەش و کۆلێژەکان بکەن بۆ خۆتۆمارکردن و مامەڵەکانیان بۆ دەستکردن بە پرۆسەى خوێندن.
پێشتر وەزارەتی خوێندنی باڵا و توێژینەوەی زانستی ڕایگەیاندبوو، بەپێی سکاڵای خوێندکاران هەوڵدەدەن زۆرترین دەرفەت بۆ وەرگرتن و خوێندنی دەرچوان بڕەخسێنن.
