وەک ئەوەی لە ماوەکانی رابردوودا دەستنیشانکرا، ئەمڕۆ رۆژی هەڵەبجەیە.
دوو ساڵ لەمەوبەر ئیدارەی پارێزگای هەڵەبجە، لەگەڵ لیژنەی تایبەت بە دیاریکردنی رۆژی هەڵەبجە کۆبووەوە و رۆژی 24ی مانگی 11ی هەموو ساڵێکی وەکو یادی رۆژی هەڵەبجە دیاریکرد.
بەپێی سەرچاوە مێژووییەکان، 24ی 11ی 1869 بەرواری دەستبەکاربوونی یەکەم قائیمقامی هەڵەبجەیە لە سەردەمی دەسەڵاتی عوسمانییەکاندا.
بڕیارە بەو بۆنەیەوە ئەمڕۆ لە پارێزگای هەڵەبجە چەندین چالاکی جۆراوجۆر بەڕێوەبچێت.
