عێراق ساڵی 2027 كۆتایی بە سووتانی گاز دەهێنێت

وەزارەتی نەوتی عێراق پێشبینی دەکات سووتانی گاز لە کێڵگە نەوتییەکاندا لە ساڵی ‏‏2027دا کۆتاییبێت، بۆ ئەو مەبەستەش داوای لە کۆمپانیا نەوتییە نێودەوڵەتییەکان کردووە ‏هاوکاریی بکەن بۆ کۆنترۆڵکردنی سووتانی گاز.‏

عەلی مەحمود عەلی بەڕێوەبەری گشتیی هونەری لە وەزارەتی نەوتی عێراق ڕایگەیاند، ‏‏”من گەشبینم بەوەی لە ساڵانی 2026-2027 سووتانی گاز لە کێڵگە نەوتییەکانی ‏وڵاتەکەمان کۆتاییدێت، لەکاتێکدا ئێستا بەڕێژەی 45%ی بەرهەمی گازی عێراق ‏دەسوتێت، کە دەکاتە 2.8 ملیار پێ سێجا لە ڕۆژێکدا”.‏

بەڕێوەبەرە گشتییەكە ئاماژەی بۆ گرنگیدان بە پەرەپێدانی ئەو پڕۆژانەش کرد کە کار بۆ ‏کەمکردنەوەی سووتانی گاز دەکەن لە کێڵگەکان.‏

عێراق دووەم خراپترین وڵات بووە لە سووتانی گازدا دوای وڵاتی ڕوسیا بەپێی ‏ڕیزبەندییەک کە لە ساڵی 2020دا کراوە.‏

بەپێی بانکی نێودەوڵەتی، لە ساڵی 2020دا عێراق 17.27 ملیار مەتر سێجا گازی ‏سووتاندووە.‏

ئەو بەرپرسەی وەزارەتی نەوت دەڵێت، وەزارەتەکەیان گفتوگۆی لەگەڵ کۆمپانیا نەوتییە ‏نێودەوڵەتییەکان دەستپێکردووە بۆ ڕاگرتن و کۆنترۆڵکردنی سووتانی گاز. ‏

عێراق پێویستییەکی زۆری بە زیادکردنی بەرهەمهێنانی گازە بەهۆی ئەوەی لەلایەن ‏ئەمریکاوە فشارێکی زۆری لێدەکرێت بۆ پشتبەستن بە بەرهەمی خۆی بۆ دابینکردنی وزە ‏بۆ وێستگە کارەباییەکان، وەک شوێنگرەوەیەک بۆ هاوردەکردنی گاز لە ئێرانەوە.‏

بابەتی پێشتر

زێدان بۆ پاریس.. پۆچتینۆ بۆ مانچستەر یونایتد

بابەتی دواتر

خوێندکاران لە بێوەڵامیی حکومەتدا هاتنەوە سەرشەقام

بابەتی پەیوەندیدار
زیاتر ببینە

نرخی دۆلار دابەزی

نرخی دراوە بیانییەكان بۆ ئەمڕۆ یەکشەمە 27ی کانونی یەکەم، لە بازاڕەكانی هەرێم بڵاوکرایەوە، بەراورد بە دوایین نرخی دوێنێ،…
Total
0
Share