سەرۆکوەزیرانی عێراق لەبارەی ڕێککەوتنی عێراق و تورکیا بۆ هەناردەکردنی نەوت ڕایدەگەیەنێت، ڕۆژانە 750 هەزار بەرمیل نەوت لە ڕێی بۆریی عێراق-تورکیاوە هەناردە دەکرێت.
عەلی زەیدی، سەرۆکوەزیرانی عێراق لە پلاتفۆرمی ئێکس نووسیویەتی، “لە دەستکەوتێکی ستراتیجیی گرنگدا بۆ دەستەبەرکردنی بەردەوامیی هەناردەکردنی نەوت و بەهێزکردنی هاوکارییە ئابورییەکانی نێوان عێراق و تورکیا، ئەمڕۆ هەردوولا ڕێککەوتنێکیان لەبارەی گواستنەوە و هەناردەکردنی نەوتی خاوی عێراق لە ڕێگەی بۆریی عێراق-تورکیاوە بۆ بەندەری جەیهان واژووکرد، بە بڕی لانی کەم 750 هەزار بەرمیل لە ڕۆژێکدا”.
ئاماژەی بەوەشکرد، کۆمپانیا عێراقی و تورکییەکان دەست بە ئەرکەکانیان دەکەن، هاوکات حکومەتی هەردوو وڵات، کاردەکەن بۆ تەواوکردنی ڕێککەوتننامەیەکی چوارچێوەیی کە کەرتەکانی نەوت، کارەبا، سەرچاوەکانی ئاو و ئەو بوارانەی دیکەی هاوکاری لەخۆدەگرێت، کە بەرژەوەندیی هاوبەش بەهێزدەکات و پشتگیری لە گەشەپێدان و سەقامگیری دەکات.
