هه‌ڤاڵ ئه‌بوبه‌كر: داواكاریی دەرماڵەی خوێندكاران گەیەندرایە لایەنی پەیوەندیدار

پارێزگارى سلێمانى لەبارەی خۆپیشاندانه‌كانى ئه‌مڕۆی خوێندكاران په‌یامێكى بڵاوكرده‌وه‌ و ده‌ڵێت، “پشتیوانی لە داوا ڕەواکانتان دەکەین و پەیام و داواکارییەکانی ئێوەمان گەیاندووەتە وەزیری خوێندنی باڵا و توێژینەوەی زانستی و هەموو لایەنە پەیوەندیدارەکان”.

هه‌ڤاڵ ئه‌بوبه‌كر له‌ په‌یامێكدا كه‌ له‌ هه‌ژمارى تایبه‌تیى خۆی له‌ تۆڕی كۆمه‌ڵایه‌تیی فه‌یسبووك بڵاویكردووه‌ته‌وه‌، نووسیویه‌تى، “ئێمە وەک پارێزگای سلێمانی، پشتیوانی لە داوا ڕەواکانتان دەکەین و دژی هەر توندوتیژی و بەریەککەوتنێکین لە هەر لایەکەوە بێت”.

جه‌ختى له‌وه‌شكردووه‌ته‌وه‌، پەیام و داواکارییەکانی خوێندكارانیان گەیاندووەتە وەزیری خوێندنی باڵا و توێژینەوەی زانستی و هەموو لایەنە پەیوەندیدارەکان.

له‌ به‌شێكى دیكه‌ى په‌یامه‌كه‌ى هه‌ڤاڵ ئه‌بوبه‌كردا ڕوو لە خوێندكاران هاتووه‌، “دەخوازین بەزووترین کات وەڵامی داوا ڕەواکانتان بدرێتەوە، پاراستنی ئارامی و سەقامگیریش ئەرکی هەموومانە و پارێزەری هەر چالاکی و ڕێگایەکی مەدەنیيانە دەبین کە بە ئاشتییانە گوزارشت لە داخوازییەکان بکات”.

بابەتی پێشتر

ژاپۆن ناسناوی پاڵەوانی جیهانی بۆ کاراتێ بەدەستهێنا و میسڕ دووەم بوو

بابەتی دواتر

یەكێتیی ئەوروپا: لەگەڵ بیلاڕوسیا هەوڵی گەڕاندنەوەی كۆچبەران دەدەین

بابەتی پەیوەندیدار
زیاتر ببینە

سەرۆكی حكومەت لەبارەی كێشەكانی نەخۆشخانەی هیواوە ڕاگەیەندراوێكی بڵاوكردەوە

سەرۆکی حکومەتی هەرێمی کوردستان ڕایگەیاند، نابێت هیچ كه‌مته‌رخه‌می و پاشه‌كشه‌یه‌ك له‌و خزمه‌تگوزارییه‌ ته‌ندروستییانه‌دا بكرێت، كه‌ پێشكه‌شی نه‌خۆشانی شێرپه‌نجه‌…
Total
5
Share