یەكێتیی تۆپی پێی ئەمریكای لاتین بڕیاریدا ناوبژیوانی یارییەكەی ئەرجەنتین و بەرازیل بۆ كاتێكی نادیار ڕابگرێت.
لە پاڵاوتنەكانی كیشوەری ئەمریكای لاتین بۆ مۆندیالی 2022ی قەتەر، ئەرجەنتین و بەرازیل بە بێ گۆڵ یەكسان بوون.
لەو یارییەدا لە یەكێك لە دیمەنەكاندا، ئۆتامێندی بەرگریكاری ئەرجەنتین بەتوندی دەكێشێت بە دەمی ڕافینیا-ی یاریزانی بەرازیل و ڕووداوەكە بەسەر تیمی ناوبژیواناندا تێپەڕدەبێت.
هەر دوای یارییەكە، یەكێتیی تۆپی پێی ئەمریكای لاتین بڕیاریدا كونیا-ی ناوبژیوانی ناو یاریگا و ئیستیبان ئوستۆیچ ناوبژیوانی ڤار بۆ كاتێكی نادیار ڕابگرێت.
ئەو دیمەنە بووە هۆی توڕەبوونی تیتی-ی ڕاهێنەری بەرازیل و دوای یارییەكە لە كۆنفرانسێكی ڕۆژنامەوانیدا سكاڵای خۆی بۆ یەكێتیی تۆپی پێی ئەمریكای لاتین بەرزكردەوە.
