گرژی لەنێوانیاندا دروستبوو
ڤیدیۆ.. پۆلیسی پۆڵەندا بە کوردی داوا لە کۆچبەران دەکات لە سنوورەکان دووربکەونەوە

دوای کۆبوونەوەی کۆچبەران لەسەر سنووری پۆڵەندا و رێگریكردن لێیان بۆ تێپەڕبوون، ‏گرژی لەنێوان کۆچبەران و پۆلیسی پۆڵەندا دروستبوو، پۆلیس ناچاربوو بە کوردی ‏هۆشداری بداتە کۆچبەران.‏

پۆلیسی پۆڵەندا بە زمانی کوردی و بە شێوەزاری کورمانجی داوا لە کۆچبەران دەکەن، ‏بگەرێنەوە و ڕێکارەکانی گەڕانەوە بۆ وڵاتەکانیان لەگەڵ بیلاڕوسیا تەواو بکەن.‏

ئەمڕۆ چەندینجار پێکدادان لەنێوان پۆلیسی پۆڵەندا و کۆچبەراندا دروستبووە، کۆچبەران ‏بە بەرد هێرشدەکەنە سەر پۆلیسی پۆڵەندا و ئەوانیش بە بۆمبی فرمێسکڕژ و ئاو ‏کۆچبەران دووردەخاتەوە.‏

وەزارەتی بەرگریی پۆڵەندا کۆچبەران بە “شەڕەنگێز” ناودەهێنت و دەڵێت، “کۆچبەران ‏هۆکاری هەڵگیرسانی گرژی بوون، بەرد و داریان خستووەتە بەردەم ئۆتۆمبێلەکان و بە ‏بەرد لە پۆلیسەکانیان داوە”.‏

کۆچبەران لە خاڵێکی سنووریی نێوان بیلاڕوسیا – پۆڵەندا کۆبوونەتەوە و داوادەکەن ‏پۆڵەندا هاوکارییان بکات بگەنە ناو خاکی وڵاتانی دیكەی یەکێتیی ئەوروپا، بەڵام ‏حکومەتی پۆڵەندا سوورە لەسەر ڕێگریکردن لە کۆچبەران.‏

بابەتی پێشتر

عێراق پاسپۆرت دەدات بەو كۆچبەرانەی لە بیلاڕوسیان

بابەتی دواتر

ئامانج بنكەیەكی توركیا بووە.. سێ مووشەک ئاراستەی ناحیەی قەسرۆک کران

بابەتی پەیوەندیدار
زیاتر ببینە

زەواهیری چۆن و كەی كوژراوە؟

جۆ بایدن سەرۆکی ئەمریکا، کوژرانی ئەیمەن زەواهیری سەرۆکی قاعیدەی لە ئەفغانستان ڕاگەیاند، كاتی كوژرانەكەشی مشتومڕی ناوەتەوە. لە كاتێكی…
Total
0
Share