ئیدارەی یانەی مانچستەر یونایتد هەوڵ بۆ ئەوە دەدات زێدانی فەرەنسی قایلبكات جێگەی سۆلشایەر بگرێتەوە.
بەهۆی ئەنجامە خراپەكانی مانچستەر یونایتدەوە، داهاتووی سۆلشایەر لەژێر هەڕەشەی دوورخستنەوەدایە.
ڕۆژنامەكانی بڕیتانیا بڵاویانكردووەتەوە، كریستیانۆ ڕۆناڵدۆی پورتوگالی یەكێكە لەو یاریزانانەی لە دۆخی یانەی مانچستەر یونایتد قایلنین و داوای گۆڕانكاری بەپەلەی كردووە.
ڕۆژنامەی دەیلی مەیڵ ئاماژە بەوە دەدات كە ئیدارەی مانچستەر یونایتد دەیەوێت سوود لە هاوڕێیەتی ڕۆناڵدۆ و ڤاران لەگەڵ زیدان وەربگرێت تا ڕاهێنەرە فەرەنسییەكە بەرەو ئینگلتەرا بگوازێتەوە.
زیدانی تەمەن 49 ساڵ لە وەرزی ڕابردووەوە كە وازی لە ڕیاڵ مەدرید هێناوە، تا ئێستا پۆستی ڕاهێنەرایەتیی هیچ یانەیەكی وەرنەگرتووە.
