چاڤی هێرناندێز، ڕاهێنەری بەرشلۆنە، داوای لە ئیدارەی یانەكەی كردووە دەستبەرداری كۆتینیۆ ببن و تیاگۆ ئالكانتارا بگەڕێننەوە.
لەو كاتەوەی چاڤی پۆستی ڕاهێنەرایەتیی بەرشلۆنەی وەرگرتووە، گۆڕانكاریی گەورە لە تیمی پزیشكی و جەستەیی و هەندێك لە یاریزانەكانیش كراون.
بەپێی پێگەی (le10sport) چاڤی بڕیاری داوە دەستبەرداری كۆتینیۆی بەڕازیلی ببێت و پێیوایە سوودی بۆ بەرشلۆنە نەماوە.
هەر ئەو پێگەیە ئاماژەی بەوەشداوە كە بۆ جێگرتنەوەی كۆتینیۆ، چاڤی ڕاهێنەر داوای تیاگۆ ئالكانتارای ئیسپانی كردووە كە ئێستا لەگەڵ لیڤەرپوڵ وەك پێویست یاریی بەرناكەوێت.
