سەرۆکی هاوپەیمانیی فەتح ڕەتیدەكاتەوە شەڕی شیعە و شیعە ڕووبدات و دەشڵێت، پێویستە لێپرسینەوە لە ئەنجامدەرانی هێرشەکەی سەر ماڵی مستەفا كازمی بكرێت.
هادی عامری، سەرۆکی هاوپەیمانیی فەتح، لە وتارێکدا ئەمڕۆ شەممە ڕایگەیاند، “هەرکەسێک هێرشیکردووەتە سەر ماڵی مستەفا کازمی، سەرۆکوەزیرانی عێراق، “پێویستە لێپرسینەوەی لەگەڵ بکرێت و ئەنجامدەرانی بدرێنە دادگا”.
وتیشی، “پێویستە ئەوانە ئاشکرا بکرێن کە فەرمانیانداوە بە هێرشکردنە سەر خۆپێشاندەران.”
سەرۆکی هاوپەیمانیی فەتح جەختی لەوەشكردەوە، “پارە دراوە بۆ ئەوەی شەڕی شیعی- شیعی دروستبێت، بەڵام ئەمە بەهیچ شێوەیەک ڕوو نادات، چونكە عەلی سیستانی مەرجەعی ئاینی هەیە”.
لەبارەی هەڵبژاردنیشەوە، عامری پێیوایە، “هەڵبژاردن هاککراوە و کۆمیسیۆنیش زۆر بە خراپی هەڵبژاردنی بەڕێوەبردووە”.
