سێ كارگەی نوێی دروستكردنی دەرمان لە عێراق دەكرێتەوە و بۆ ئەو مەبەستەش سێ بینای كۆنی وەزارەتی تەندروستیی عێراق نۆژەندەكرێتەوە ودەكرێنە كارگەی دروستكردنی دەرمان.
محەمەد عەبدولقادر، بەڕێوەبەری گشتیی پیشەسازیی دەرمان لە عێراق، لە لێدوانێكدا لەبارەی ئەو سێ كارگەیەوە رایگەیاند، دروستكردنی كارگەكان لەسەر شێوازی ستانداردی جیهانی دەبن كە تایبەتن بە بوارەكانی مەرهەم، كرێم و شروب.
وتیشی، “سێ بینای كۆنی وەزارەتی تەندروستییان بۆ نۆژەندەكرێتەوە و باشترین تەكنەلۆژیای سەردەم لە بەرهەمهێنانی دەرمانەكاندا بەكاردەهێندرێن”.
باسی لەوەش كردووە، لە ماوەیەكی كەمیی داهاتوودا وەزارەتی تەندروستی دەست بە كارەكانی لەو بوارەدا دەكات و جەختیشیكردەوە ئەو هەنگاوە لە چوارچێوەی بەرنامەی حكومەتەدایە بۆ پەرەپێدانی زیاتر لە پیشەسازیی دەرمان لە عێراقدا”.
