بەڕێوەبەرایەتیی پۆلیسی دهۆک ئاشکرایکرد، لەئەنجامی شەڕی نێوان دوو بنەمەڵەدا لەسەر پارچە زەوییەک کەسێک برینداربووە و بە حەفارە دوو ئۆتۆمبێلی یەکێک لە بنەماڵەکان تێکشکێندراون.
لە ڕاگەیەندراوێکدا بەڕێوەبەرایەتیی پۆلیسی دهۆک ڕایگەیاند، لە نزیک کۆمەڵگای خانکێ دوو بنەماڵە لەسەر پارچە زەوییەک کە یەکێک لە بنەماڵەکان ویستوویەتی ئاوەدانی بکاتەوە و بنەماڵەکەی دیکە ڕێگرییان لێکردووە، بەهۆی ئەوەی هەردوولا خۆیان بەخاوەنی زەوییەکە زانیوە کێشە دروستبووە.
ئاماژە بەوەکراوە لەئەنجامدا کەسێک لە کێشەکەدا برینداربووە و بە حەفارە دوو ئۆتۆمبێلی یەکێک لە بنەماڵەکان لەلایەن بنەماڵەکەی دیکەوە زیانیان پێگەیەندراوە.
پۆلیس سەرجەم کەسەکانی ناو کێشەکەی دەستگیرکردووە و پەڕاوی لێکۆڵینەوە بۆ ڕووداوەکە کراوەتەوە.
