شەوی ڕابردوو یەختێکی کۆچبەران کە 10 کۆچبەری هەڵگرتبوو، لە کەناراوەکانی ئیزمیرەوە لە تورکیا بەڕێکەوتووە بۆ ئیتاڵیا، بەڵام کەشوهەوا یارمەتیدەر نەبووە بۆ گەیشتنی یەختەکە و دوای ژێرئاوکەوتنی ژنێکی کورد خنکا.
بەپێی زانیارییەکانی تۆڕی میدیایی ئێستا ئەو ژنە کوردە خەڵکی هەرێمی کوردستانە و ناوی (دیلان یوسف)ـە و تەرمەکەی لەلایەن پاسەوانی کەناراوەکانی ئیزمیرەوە دەرهێنراوە.
دوای خنکانی ئەو کۆچبەرە کوردە، پۆلیس توانیویەتی 9 کەس لە ئاوەکەدا ڕزگاربکات و بگوازێتەوە.
کۆچبەرانی کورد بەهۆی نائومێدبوونیانەوە، لە ڕێگای نێوان بیلاڕوسیا – پۆڵەندا، جارێکی دیکە دەگەڕێنەوە بۆ ڕێگای ئاویی نێوان تورکیا – ئیتاڵیا.
