پۆلیسی دەربەندیخان دوو تۆمەتباریان دەستگیركرد، كه سه‌ری مه‌نهۆڵ و ئاوەڕۆی شه‌قامه‌كانی ناو قه‌زای ده‌ربه‌ندیخانیان دزیبوو.
بەپێی ڕاگەیەندراوێكی بەڕێوەبەرایەتی پۆلیسی پارێزگای سلێمانی، “دوای ئه‌وه‌ی دزینی سه‌ره مه‌نهۆڵ و مه‌جاری له شه‌قامه‌كانی ناو قه‌زای ده‌ربه‌ندیخان زیادیكردبوو، هێزه‌كانی پۆلیس لێكۆڵینه‌وه‌كانیان ده‌ستپێكرد، دوای وه‌رگرتنی بڕیاری دادوه‌ر، توانرا دوو تۆمه‌تبار ده‌ستگیربكرێن و له‌به‌رده‌م دادوه‌ردا دانیان به‌تاوانه‌كه‌یاندا ناوه”.
پۆلیس ئاشكرایكردووە، “له ئێستادا هه‌ریه‌ك له تۆمه‌تباران (أ، أـ ع) له‌دایكبووی 2002 و (م، أ، د) له‌دایكبووی 1995 به‌بڕیاری دادوه‌ر و به‌پێی مادده‌ی 444 له یاسای سزادانی عێراقی ڕاگیراون.
