تاڵیبان: 44 ئەندامی سەر بە بزوتنەوەكەی لە شوێنی هەستیاری ئەمنی دانا

بزوتنەوەی تاڵیبان 44 ئەندامی سەر بە بزوتنەوەكەی وەكو فەرمانڕەوا و بەرپرسی پۆلیس لە ویلایەتەكانی ئەفغانستان دیاریكرد.

ئاژانسی ڕۆیتەرز بڵاویكردەوە، بزوتنەوەی تاڵیبان ژمارەیەك گۆڕانكاریی لە پۆستە ئەمنییەكان كردووە و كەسانی سەر بە بزوتنەوەكەی لە شوێنی بەڕێوەبەر و كاربەدەست لەنێو پۆلیس و شوێنە هەستیارەكان داناوە.

ئاماژەی بەوەشكردووە، دوای دەستبەسەرداگرتنی ئەفغانستان، ئەمە یەکەمینجارە تاڵیبان بەشێوەیەکی بەرفراوان ئەندامەکانی بۆ پۆستە هەستیارەکان دەستنیشان بکات.

تاڵیبان لیستی ئەندامەکان و ئەرکە نوێیەکانیانی بڵاوکردەوە، كە تیایدا فەرمانڕەوای نوێی کابول و فەرماندەی پۆلیسی شارەکەی تێدایە.

هەرچەندە تاڵیبان زیاتر لە دوومانگە ئەفغانستانی كۆنترۆڵكردووە، بەڵام لەو کاتەوە نەیتوانیوە بەتەواوی ئاسایش بەرقەراربكاتەوە و دۆخی ئابوریی وڵاتەكە لە لێواری داڕمان ڕزگار بكات، لەماوەی ڕابردووشدا داعشی خۆراسان چەند هێرشێكی لە وڵاتەکەدا ئەنجامداوە.

بابەتی پێشتر

جارێکی دیکە لە فەرمانگەکاندا کاتی مامەڵەی هاوڵاتییان بۆ پاسپۆرت گۆڕانکاری بەسەرداهات

بابەتی دواتر

چای سپی.. لە دەگمەنترین جۆرەکانی چا لە جیهاندا

بابەتی پەیوەندیدار
Total
0
Share