پێكان كێشەی سەرەكیی یانەی بەرشلۆنەیە لەم وەرزەدا و بەرامبەر سێلتاڤیگۆش، سێ یاریزانی تریان تووشی پێكان بوون.
بەرشلۆنە بەرامبەر سێلتاڤیگۆ، تایمی یەكەم سێ گۆڵی كرد، تایمی دووەم سێ گۆڵەكەی لێكرایەوە.
لەو یارییەدا هەریەك لە یاریزانان ئانسو فاتی و ئیریك گارسیا و نیكۆ گۆنزالێس تووشی پێكان بوون.
تیمی پزیشكیی یانەی بەرشلۆنە ئاماژە بەوە دەدەن فاتی تووشی كەشەنگبوونی ماسوولكە بووە و پێویستی بە سێ بۆ چوار هەفتە پشوو وەرگرتن هەیە.
هەروەها ئیریك گارسیای بەرگریكاریش لەئێستادا بەهۆی ماندووبوونی ماسوولكەكانەوە لەژێر چاودێریی پزیشكیدایە.
نیكۆ گۆنزالێسیش تووشی ئازار بووە لە ڕانیدا و دوو هەفتە بەبێ ڕاهێنانكردن دەمێنێتەوە.
هێشتا چاڤی هێرناندێز پۆستی ڕاهێنەرایەتیی یانەی بەرشلۆنەی وەرنەگرتووە و پێنج یاریزان تووشی پێكان بوون، كە ئەوانیش ئەگوێرۆ و دیمبلی و فاتی و گارسیا و نیكۆ گۆنزالێسن.
