وەزارەتی كارەبای هەرێمی كوردستان ڕایگەیاند، پێوەرێكی جیاوازیان لەنێو بازاڕی هەولێر بەستووە و لە ئاییندەیەكی نزیكدا لە سەرانسەری هەرێم ئەو پێوەرە لەو شوێنانە دادەنێن.
لە ڕاگەیەندراوێكدا وەزارەتی كارەبا ئاماژەی بەوەكردووە، لەناو بازاڕی قەیسەریی هەولێر دەست بە بەستنی پێوەری زیرەک بە شێوازێکی جیاواز و تایبەت کرا.
باسی لەوەشكردووە، “پێوەرەکانی بازاڕی قەیسەری لەسەر ستوونەکانی کارەبا نابەسترێن، بەڵکو لەناو دوکانەکاندا دەبەسترێن و بە مۆرێکی تایبەتیش قوفڵدەدرێن.”
لە ڕاگەیەندراوەكەی وەزارەتی كارەبادا ئەوەش هاتووە، “پێشبینیدەکرێت لە سەرانسەری هەرێمی کوردستان 200 هەزار پێوەر بەم جۆرە ببەسترێن”.
