هەرێم داهاتی نانەوتی رادەستی بەغداد کرد

وەزارەتی دارایی و ئابوریی هەرێم بڵاویکردەوە، داهاتی نانەوتی بۆ مانگی ئازار رەوانەی وەزارەتی دارایی عێراق کردووە.

وەزارەتی دارایی و ئابوریی هەرێم لە راگەیەندراوێکدا بڵاویکردەوە، دوێنێ یەکشەممە بڕی 70 ملیار و 130 ملیۆن و 250 هەزار دینار وەک پشکی گەنجینەی فیدراڵی لە داهاتی نانەوتی هەرێمی کوردستان بۆ مانگی ئازاری ساڵی 2024، لەلایەن بەڕێوبەرایەتیی گشتیی ژمێرکاریی وەزارەتی دارایی و ئابوری خرایەسەر هەژماری بانکیی وەزارەتی دارایی حکومەتی فیدراڵی لە لقی هەولێری بانکی ناوەندیی عێراق.