تەندروستیی عێراق: ژمارەی بریندارەکانی خۆپیشاندانەکەی بەغداد گەیشتووەتە 125 کەس

وەزارەتی تەندروستیی عێراق ڕایگەیاند، لە خۆپیشاندانەکەی ئەمڕۆی بەغداد لەئەنجامی پێکدادانی نێوان هێزە ئەمنییەکان و خۆپیشاندەران 125 کەس برینداربوون.

لە ڕاگەیەندراوێکدا وەزارەتی تەندروستیی عێراق ئاشکرایکرد، ئەمڕۆ هەینی نەخۆشخانەکان خزمەتگوزاریی پزیشکییان پێشکەش بە 127 برینداری خۆپیشاندانەکەی بەغداد کردووە کە 27 لەوانە لە خۆپیشاندەران بوون و ئەوانی دیکە ئەندامانی هێزە ئەمنییەکان بوون.

وەزارەتی تەندروستی دەڵێت، “زۆرینەی بریندارەکان برینەکانیان سوک و ناوەندن، هەروەک هیچ حاڵەتێکی گیانلەدەستدان تۆمارنەکراوە”.

ئەمڕۆ هەینی لە ناوچەی سەوزی بەغداد لایەنگرانی حەشدی شەعبی بۆ ڕەتکردنەوەی ئەنجامی هەڵبژاردنەکان خۆپیشاندانیان ئەنجامدا و بەهۆیەوە گرژی و ئاڵۆزی دروستبوو و لەئەنجامدا ژمارەیەک لە هێزە ئەمنییەکان و خۆپیشاندەران برینداربوون.

بابەتی پێشتر

ئەمریکا بەشێک لە هێزە شەڕکەرەکانی لە عێراق کشاندەوە

بابەتی دواتر

بایدن: بەمنزیکانە ئەو حەپەی فایزەر بۆ چارەسەری کۆرۆنا بەرهەمیهێناوە بەردەستدەبێت

بابەتی پەیوەندیدار
Total
1
Share