ئاژانسێكی ڕوسی: پێدەچێت ئەمڕۆ توركیا هێرشبكاتەسەر ڕۆژئاوای كوردستان

ئاژانسی هەواڵی “سپوتنیك”ی ڕوسی لە ڕاپۆرتێكدا بەپشتبەستن بە سەرچاوەیەك كە ناوی ئاشكرانەكراوە بڵاویكردەوە، ئەگەری ئەوە هەیە ئەمڕۆ سێشەممە توركیا ئۆپەراسیۆنێكی سەربازی لە ڕۆژئاوای كوردستان لەدژی هێزەكانی سوریای دیموكرات بەرپابكات.

لە كۆنگرەیەكی ڕۆژنامەوانیدا لە واشنتن و لە وەڵامی چەند پرسیارێكدا سەبارەت بە ئەگەری بەرپاكردنی ئەو هێرشە لەلایەن توركیاوە، هەروەها هەڵوێستی ئەمریكا لەو كاتەدا چی دەبێت؟، جۆن كێربی وتەبێژی وەزارەتی بەرگریی ئەمریكا “پێنتاگۆن” ڕایگەیاند، “ئەو هێرشانە لە دەرەوەی دەسەڵاتی ئێمەن لە پێنتاگۆن”.

وتیشی، “هێزەكانی سوریای دیموكرات هاوبەشی ئێمەن لە شەڕی دژ بە داعش لە سوریا، ئێمە بە گرنگییەوە لەو هاوبەشییە دەڕوانین و بەردەوامدەبین لە كاركردن لەگەڵ ئەو هێزانەدا و پێكەوە هەڕەشەكانی داعش لە سوریا سنووردار دەكەین، پێموایە ئەو جۆرە هاوكاری و ئۆپەراسیۆنانە درێژەیان دەبێت”.

وتەبێژی وەزارەتی بەرگریی ئەمریكا، بێئاگایی خۆی لەو بابەتە نیشاندا و بە پەیامنێری ئاژانسەكەی ڕاگەیاند، “سەبارەت بەوەی توركەكان چی دەكەن و ناكەن، پێشنیازدەكەم لەگەڵ كەسانێك لە ئەنقەرە قسەبكەیت”.

بابەتی پێشتر

سەڵاحەدین بەهادین و بەرهەم ساڵح لەبارەی کۆچبەرانی بیلاڕوسیاوە قسەیانكرد

بابەتی دواتر

زیاتر لە هەزار چەكداری داعش لە میحوەری سێ پارێزگا بوونیان هەیە

بابەتی پەیوەندیدار
زیاتر ببینە

قائانی لە بەغدادە

لە سەروبەندی ڕاگەیاندنی ئەنجامە بەراییەكانی هەڵبژاردن، فەرماندەی فەیلەقی قودسی سوپای پاسدارانی ئێران گەیشتە بەغداد. بەپێی هەواڵی میدیا عێراقییەكان،…
Total
2
Share