لە ماوەی چوار مانگدا پەرلەمانتارانی عێراق 76 ملیار دینار مووچەیان وەرگرتووە، جگە لە خەرجییەكانی تری ئەنجومەنەكە و تێچووی گەشت و ئیفادی پەرلەمانتاران.
لە كاتی دەستبەكاربوونییەوە، جگە لە دانیشتنی تایبەت بە هەڵبژاردنی دەستەی سەرۆكایەتی و دانیشتنێك بۆ هەڵبژاردنی لیژنە كاتییەكانی پەرلەمان، تا ئێستا ئەنجومەنی نوێنەرانی عێراق كۆبوونەوەی ئاسایی نەكردووە.
لە ماوەی چوار مانگی دوای ئەنجامدانی یەكەم دانیشتندا، ئەنجومەنی نوێنەران كۆبوونەوەی هەڵبژاردنی سەرۆك كۆماریشی سازنەداوە و بەهۆی تەواونەبوونی ڕێژەی یاسایی پەرلەمانتارانی بەشداربووەوە، كۆبوونەوەكە ڕێكنەخراوە.
لە ماوەی ئەو چوار مانگەی تەمەنی خوولی پێنجەمی ئەنجومەنی نوێنەراندا، 76 ملیار دینار مووچە دراوە بە ئەندامان و دەستەی سەرۆكایەتیی ئەنجومەنەكە، سەرباری خەرجیی ئەنجومەنی نوێنەران و تێچووی گەشت و ئیفادی پەرلەمانتاران بۆ دەرەوەی وڵات.
