بڵاوبوونەوەی ڤیدیۆی ساتی خەولێکەوتنی جۆ بایدنی سەرۆکی ئەمریکا لەکاتی بەڕێوەچوونی یەکێک لە چالاکییەکانی دەستپێکردنی لوتکەی گلاسکۆ تۆڕە کۆمەڵایەتییەکانی هەژاندووە.
لە ڤیدیۆکەدا سەرۆکی ئەمریکا دەردەکەوێت کە بۆ چەند چرکەیەک خەودەیباتەوە و چاوەکانی دادەخات، ئەم گرتەیەی جۆ بایدن دوای چەندین کاتژمێر لە کۆبوونەوە و وتاری سیاسی و ژینگەیی ماندوکەر دێت، بەڵام کامێراکانی ڕۆژنامەنوسان ئەو گرتەیە تۆماردەکەن و وەک ئاگر لە تۆڕە کۆمەڵایەتییەکاندا بڵاودەبێتەوە.
🚨 | NEW: Biden falling asleep during Cop speeches
— Politics For All (@PoliticsForAlI) November 1, 2021
لەگەڵ گرتە ڤیدیۆییەکەدا سەرەڕای ڕەخنەی زۆر بەڵام لایەنگرانی بایدن دەڵێن هۆکاری ئەو حاڵەتە بۆ خشتەی کارە چڕ و ماندوکەرەکانی سەرۆک بایدنەوەیە.
لوتکەی ئاووهەوا ئێوارەی دوێنێ دووشەممە لە گلاسکۆی ئسکۆتلەندا دەستیپێکرد و بڕیارە تاوەکو 12ی تشرینی دووەم بەردەوام بێت.
لە کۆنگرەکەدا 25 هەزار کەس بەشداریدەکەن، لوتکەی cop26 سەرجەم ئەندامانی ڕێککەوتننامەی پاریس بۆ کەشوهەوای تێدایە.
