موقتەدا سەدر باسی خۆشەویستی دەكات، بە جۆرێك كە وەك خۆی نووسیویەتی، “دەچێتە دڵەوە و هیچ بەربەستێك رایناگرێت، چەند زۆر بخایەنێت پتەوتر دەبێت و گەشەدەكات، كڵپەدەكات و گڕدەگرێت”.
موقتەدا سەدر رێبەری رەوتی سەدر، لە تویتێكدا چەمكی “خۆشەویستی” تاوتوێدەكات و بەوە ناوزەدی دەكات كە “هیچ بەربەستێك رایناگرێت و دەچێتە دڵەوە”.
سەدر دەڵێت، “كینەلەدڵان خۆشەویستییان گۆڕیوە بۆ جەنگ و بەڵا، خۆشەویستی تەنها لە ڕەمك و ئارەزووبازیدا كورتكراوەتەوە و خۆشەویستیی باوك، رۆڵەكان، هاوڕێ و نیشتمان و تەنانەت خۆشەویستیی خودایان لەیادكردووە”.
سەدر نووسیویەتی، “كام ئازادییە تایبەتەیە مافی ئەوەت پێدەدات خۆشەویستیی وێرانبكەیت و بیسڕیتەوە و بەدكارانە بیگۆڕیت، نەخێر، ئەوە ئارەزووە و بە هیچ جۆرێك پەیوەندیی بە خۆشەویستییەوە نییە”.
