وەزیری پێشمەرگە ڕایدەگەیەنێت، بریاره له 1ی تشرینی دووەمەوە ناوهندی هاوبهشی نێوان وەزارەتەكانی پێشمەرگە و بەرگریی عێراق له ههولێر و بهغداد بكرێنهوه.
شۆڕش ئیسماعیل جهختیشی لهسهر نزیكبوونهوهی ههردوو وهزارهتی پێشمهرگه و وهزارهتی بهرگریی عێراق كردهوه و وتی، “بریاره له 1ی تشرینی دووەمی داهاتووەوە ناوهندی هاوبهشی نێوان ههردوولا له ههولێر و دواتر له بهغدادیش بكرێتهوه، كه دهرئهنجام پاراستنی ئاسایش و سهقامگیری ناوچهكهی لێدهكهوێتهوه”.
ئەو وتانەی وەزیری پێشمەرگە ئەمڕۆ لەمیانەی كۆبوونەوەیدا بوو لهگهڵ مێجهر جهنهڕاڵ كهڤن كۆپسی، جێگری فهرماندهی گشتیی هێزهكانی هاوپهیمانان له عێراق و سوریا و شاندێكی باڵای ڕاوێژكاری سهربازیی هاوپهیمان، كه ژمارهیهك له ئهفسهرانی پله باڵای وهزارهت ئامادهیبوون.
بەپێی ڕاگەیەنراوێكی كۆبوونەوەكە لای خۆیەوە جێگری فهرماندهی گشتیی هێزهكانی هاوپهیمانان ڕوونیكردهوه، “پێكهوه كاركردنی هاوبهشی هێزهكان له بهرهنگاربوونهوهی تیرۆر و تیرۆریستان ڕێگای سهركهوتنمان نزیكدهكاتهوه و هۆكارێكی گرنگیش دهبێت بۆ ڕهوینهوه و تێكشكاندنی مهترسییهكانی تیرۆر له ناوچهكهدا”.
مێجهر جهنهڕاڵ كهڤن كۆپسی، وتیشی، خواستی هاوپهیمانانه كه هێزی پێشمهرگه لهگهڵ سوپای عێراق بگهنه ڕێككهوتنی كۆتایی و بكرێته بنهمایهكی دروست بۆ بهرهنگاربوونهوهی مهترسییهكان. هاوكات پاڵپشتی و پشتگیریی هاوپهیمانانیشی لهرووی كۆمهك و هاوكاری لۆجیستی و سهربازی بۆ هێزهكانی پێشمهرگه و سوپای عێراق دووپاتكردهوه.
