بەرەبەیانی ئەمڕۆ منداڵێکی تازە لەدایکبوو، لە مزگەوتێکی ناحیەی چوارقوڕنە دۆزراوەتەوە و ئێستا لە نەخۆشخانەی منداڵانە.
عەلی بابەکر، لێپرسراوی ئاسایشی چوارقوڕنە، بە تۆڕی میدیایی ئێستای ڕاگەیاند، “منداڵێکی تازە لەدایکبوو لەلایەن کاسبکارێکەوە لە مزگەوتێکدا دۆزراوەتەوە و لێکۆڵینەوەکان بەردەوامن”.
بەپێی زانیارییەکانی تۆڕی میدیایی ئێستا، کاسبکارێک کاتژمێر 2:00ی بەرەبەیانی ئەمڕۆ چووەتە مزگەوتێکی ناوبازاڕی چوارقوڕنە و لەوێ منداڵەکەی دۆزیوەتەوە کە بە پێچراوی لەوێدا دانراوە.
ئەو هاوڵاتییە ئاسایشی چوارقوڕنەی لە ڕووداوەکە ئاگادارکردووەتەوە و ئاسایش ئێستا لێکۆڵینەوە لە حاڵەتەکە دەکات و منداڵەکەش لە نەخۆشخانەی منداڵان لەژێر چاودێریی پزیشکیدایە.
